დევნილთა და ეკომიგრანტთა სააგენტო

გადაწყვეტილება მივიღეთ, რომელიც ეხება დევნილების ბინებით უზრუნველყოფის პროცესს. გვაქვს აღებული ვალდებულება, რომ მომდევნო 3 წლის განმავლობაში 13 000 დევნილი საცხოვრებელი ფართით დავაკმაყოფილოთ.

ჯამში, 2025 წლამდე ახალი საცხოვრებელი ფართები, ბინები, სახლები გადაეცემა 13 000-მდე ოჯახს. 7 000 ოჯახი მიიღებს ბინებს ახალაშენებულ კორპუსებში, ხოლო დარჩენილი 6 000 ოჯახი სოფლად სახლის პროგრამის ფარგლებში განსახლდება.

ჩვენ დღეს, მთავრობის სხდომაზე დავამტკიცებთ განკარგულების პროექტს, რომლის მიხედვითაც კიდევ 850 დევნილ ოჯახს საკუთრებაში გადავცემთ საცხოვრებელ ბინებს, – ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა.